給小龍。
。。。。。。。。。。。。。。。
《眼前跘腳大石 眼底區區小砂》
我都會同自己講
芝麻小事而已 實搞得佢掂
千祈唔好覺得係好大件事
好緊張 好擔心 好滕雞 好痛苦
因為我諗 若干年後諗番轉頭
當發現自己為著芝麻綠豆而心力交瘁
肯定會對自己嘲笑奚落一番
費盡心力之餘仲要比自己奚落
好蝕底o者
呢個諗法或者係有點阿Q
但對於一些經常鑽牛角尖既人黎講
卻相當奏效
往牛角尖裡鑽既人專注力一流
只曉得將關注既事情放到無限大
而對身邊既各樣風景視若無睹
上面呢個諗法或可分散專注
從牛角尖裡面拉返出黎
避免傻事發生
整個不景氣既社會氣圍
好似要對時下新一代作出前所未有既挑戰
失業也好 工作也好
都帶比一些人好大既精神壓力
一下子不留神 就會比精神壓力攻陷
做出一些連自己都從未諗過既傻事
而絕大部份既傻事都係在於一轉念間
倘若再比多三秒鐘時間自己去想一想
結果就會改寫
見到呢類新聞無日無之
個心好唔舒服
好似比一粒石仔頂住咁樣
就係咁樣
只能咁樣
。。。。。。。。。。。。。。。
o個年，你睇左我呢篇網上日記，稱讚我寫得好，教你有所領略。我謙虛的打了個哈哈，當作戲言。
(o個+1)年，我的天空塌了下來，整個世界灰黑黑的，沒半點光。你對著我讀了這篇日記，然後你和我之間那團空氣靜默了。空氣沒說話，卻靜靜把那段聲波寄存好，振作自己。Thing goes around comes around。
(o個+N)年，即係今年，你說你的生活難過，獨力支撐家庭，壓力很大，人變得容易擔驚受怕。我想起你對我讀的日記，很想跟你讀一篇。
係呀，係你呀小龍。
我們都在修煉二十四小時無間斷再陪訓成世人課程，課程名稱 LCM - Life Crisis Management。跟多年前那幾個每晚OT時份例必嬉戲一頓的無憂無掛的黃毛小子比較，我們現在已經不一樣了（可是實在非常懷念DYR那段日子，誰不懷念？）。經歷(o個兩)年濃烈的不安全感的洗禮，我地仲有咩世面未見過。份工忽然間可以冇左，有幾出奇。老人家忽然入廠，唔開心不過都要同自己講，有幾出奇，最緊要冷靜面對。
從容看待眼前每塊跘腳大石每一座高山，抱著忍者小靈精的精神 - 又越過高山又越過谷，那管路彎風狂嘯。
